S. D. S. M. / Laffemas, abbé Laurent de [?] [1649], PROCEZ BVRLESQVE ENTRE MR LE PRINCE ET MADAME LA DVCHESSE D’ESGVILLON, AVEC LES PLAIDOYERS. Par le S. D. S. M. , françaisRéférence RIM : M0_2884. Cote locale : C_8_37.
Apres qu’on eust fait ouuerture, Et que cessé fut le murmure, L’Aduocat recapitula, Et iusqu’à dix heures parla Auec ardeur, de la prudence, Ensemble de l’experience, Du Cardinal de Richelieu, Descendu de tres-noble lieu ; Car dit-on, de race Royalle, Fut cette Eminence Ducalle, Du costé de Louys le Gros, Dont à sainct Denys sont les os. (Ce qui n’est vray, la flatterie Ayant fait cette menterie.) Aussi dit il, qu’absolument Auoit pû faire testament, Sans qu’il encourut de censure, Ny qu’on y trouuast d’ouuerture. Pour disputer à ses parens Ses biens, quoy que trop apparens.
Le lendemain vingt quatriesme, Il parla presque tout de mesme, Et dit pour sa conclusion, Que lettres de rescision Ne peuuent pas estre valables, Que demandeurs non receuables, Estans à l’entherinement ; Il conclud au déboutement.
Apres quoy le ventru Rozée, Auec sa voix organizée, Crotesquement emperruqué ; Qui le sur-taux a pratiqué, Depuis multitudes d’années, Soit pour parroisses abonnées, Ou celuy qui trop rudement Taxé, requiert soulagement,
| |||||