S. D. S. M. / Laffemas, abbé Laurent de [?] [1649], PROCEZ BVRLESQVE ENTRE MR LE PRINCE ET MADAME LA DVCHESSE D’ESGVILLON, AVEC LES PLAIDOYERS. Par le S. D. S. M. , françaisRéférence RIM : M0_2884. Cote locale : C_8_37.
page précédent(e)

page suivant(e)

-- 17 --

 


Ie fus comme la fois premiere,
(Ainsi que ie t’ay dit naguere)
Pour me placer commodement,
Huissiers caressant souplement.

 

 


I’entray donc sans beaucoup de peine,
Comme ie fis l’autre semaine,
Et dans le parquet me placay,
Où pas vn peu ne me lassay :
Car à mon aise n’estois guere,
Et sus boys en grande misere,
Genoüils miens ne se dilatoyent,
Ny gigots, estendus estoyent
Si que i’eus grande lassitude
Pour du monde la multitude.

 

 


Quand Messieurs furent arangez,
Et que barreaux furent chargez,
Apres ouuerture de porte,
Alors, Gaultier, d’vne voix forte ;
Reprenant son huictain discours,
Conclud apres quelques destours,
Contre la volonté derniere ;
Ace qu’Arrest, iuste, & seuere,
Cassant renonciation,
Suiuant la protestation :
Au temps faite de mariage,
Ordonnast qu’on seroit partage.

 

 


Aussi despens il demanda,
Finissant sa cause par là,
Qu’il appartenoit à Iustice,
Et qu’il estoit de son office,
D’empescher que tous ces thresors,
Qui sont dans la France, & dehors,
A la Combalet appartiennent,
Et que les Vignerots les prennent ;
Mais qu’il faut auec raison,
Que ceux de Royale Maison,

page précédent(e)

page suivant(e)