Lors se leuoit en diligence ;
Pour luy faire la reuerence,
Et recommander le bon droit,
D’important procez qu’elle auoit,
To chant la volonté derniere,
De l’empourpré Frere à sa Mere :
Et quand President paroissoit,
Humblement elle s’abaissoit,
Rendant fort grande defference,
A souueraine Presidence.
Troupe fort belle la suiuoit,
Qui la mine tres-bonne auoit,
Gentils-hommes, ou Damoiselles,
Ou bien femmes, ou bien pucelles ;
Pucelles pourtant que ie croy,
Et si tu demande pourquoy ?
C’est que cette Dame estant fille
N’en voudroit d’autre en sa famille ;
Cette troupe n’auoit bon teint ;
Mais c’est que trop matin l’on vint,
(Telles Dames ayant coustume,
Se leuer tard crainte du rume)
Mais laissons la complimenter,
Et ses raisons representer,
Pendant que puissant Prince arriue ;
(Ie croy que sans que le descriue
Trop bien sçauez desia qui c’est ;
Mais comme ie croy qu’il te plaist,
Rendre il te faut obeïssance)
C’est le premier Prince de France,
Chef de la Maison de Bourbon,
Sage, vaillant, sçauant, & bon ;
Où si tu veux que ie m’explique,
C’est de Condé Prince heroïque.