Que le reste des dictions
Ne souffriroit aucun dommage
Par ces Correcteurs du langage,
Et que sous vostre authorité
Nous aurions toute seureté,
Nous nous serions par difference
Tous contenus dans le silence,
Aimans mieux perdre ces bons mots</l>
Que de troubler vostre repos.
Cependant on sçait par la ville
Que depuis vostre Gomberuille,
Auroit iniustement proscrit,
Le pauure, car, d’vn sien escrit ;
Comme estant vn mot trop antique,
Et qui tiroit sur le gothique,
Et qu’aussi-tost le sieur Baro
Sur ce mot cria tant haro,
Qu’on alloit par cette crierie
Bannir de la Chancelerie,
Ce cartel est nostre plaisir,
Tant lors on estoit de loisir.
Sans que Conrard le Secretaire
D’vn tel mal ne pouuant se taire,
S’opposa genereusement
A ce cruel bannissement,
Vous remonstrant qu’en tout affaire
Le car est vn mot necessaire,
Que c’est vn mot de liaison ;

page précédent(e)

page suivant(e)