Mercier,? [1649], LA FRANCE PROSTERNEE AVX PIEDS DE LA VIERGE. Pour la remercier de la Paix. , françaisRéférence RIM : M0_1437. Cote locale : C_5_18.
page précédent(e)

page suivant(e)

-- 7 --

& de tres cruels chastimens. Ne pouuons
nous pas dire de mesme que nous vous
auons d’autant plus d’obligations de nous
auoir donné la paix, que nos cœurs endurcis
n’auoient plus aucun sentiment pour
vostre seruice ? Que nos ames criminelles,
aussi bien que nos consciences corrompuës
ne respiroient que le sang, & le carnage, que
nos cœurs ne suiuoient que les mouuemẽs
de leurs passions desreglees, ne cherchoiẽt
que l’assouuissement de leurs appetits, &
n’auoient de l’inclination que pour les obiets
qui flattent les sens. Mais nous protestons
aux pieds de vos Autels que d’oresnauant
nous serons plus soigneux de nostre
deuoir, & que pour marque de nostre fidelité,
comme de nostre reconnoissance,
nous changerons vos temples de dons, de
presens & d’offrandes. Nous vous ferons
des sacrifices de nos cœurs, de nos affections,
de nos vies, de nos personnes ; nous
publierons par tout vos bontez, vos grandeurs,
vos louanges, & nous vous appellerons
eternellemént nostre Ange tutelaire,
nostre liberatrice, & celle de qui nous auons
receu la paix, de laquelle nous iouissons à


page précédent(e)

page suivant(e)