C. Q. A. P. L. C. M. D. L. V. D. P. A. M. D. N. 1650 [signé] = Dubosc-Montandré, Claude [?] [1652], LA PIERRE DE TOVCHE AVX MAZARINS. , français, latinRéférence RIM : M0_2765. Cote locale : C_12_41.
-- 34 --
le mesme courrier il enuoye ordre au grand Conseil d’aller
à Tours ; considerez s’il n’a pas bien du dessein de tenir
ce qu’il promet. Et si nous pouuons auoir de la confiance
tant qu’il subsistera à tout ce qu’il y a mesme de plus
inuiolable & de plus sacré.
Enfin Mrs pour conclure il ny a qu’vn mot à dire ; M. le
Duc d’Orleans & M. le Prince sont criminels, ou le Card.
Maz. I’est ; puis que le dernier veut ce que les autres sont
resolus de ne point souffrir ; leurs sentimens estans absolument
contradictoires il faut necessairement que les vns
ou les autres ayent mauuais dessein ; si le Card. est innocent
toutes les apparences du mal, voire mesme toutes les
actions qu’il a faittes sont si misterieuses qu’il faut comprendre
à son sens que le mal est bien, & que le bien est
mal, & que n’ayant point encores sçeu connoistre cette
rousse, les Parlemens & tout ce qu’il y a de gens de bien,
mesme beaucoup de meschans sont coupables de l’auoir
condamné sans luy faire expliquer le bien & le mal à la
mode de son païs. C’est pourquoy, raillerie à part, il est
temps qu’vn chacun dessille ses yeux pour considerer que
si la guerre continuë la France est perduë, que la diuision
entretient la guerre, & qu’il n’y a qu’vn party à tenir pour
mettre fin à nos desordres.
Si le C. doit subsister il faut promptement saccomoder
auec luy, se rendre tous Mazarins, & inuiter cet estranger
à venir au plustost dans Paris reprendre sa place & son
authorité sans l’esgrir d’auantage. S’il faut le chasser il ne
faut aussi point y tant songer, il faut estre tout vn, ou tout
autre, & saccager tout ce qui se trouuera de gens desuoüez
au seruice de ce proscript. Car de souffrir que cette guerre
dure d’auantage pour n’oser assommer vne poignée de
|