LA COVRONNE
DE LA REYNE,
ENVOYÉE DV CIEL
à sa Maiesté.
MADAME,
Les Monarques du monde, les Princes de la
terre, les Roys de l’Vniuers se glorifient de porter
des Couronnes de fin or enrichies de pierres
precieuses. Celle de Salomon, au recit des Historiens,
n’estoit composée que de Diamans,
d’Escarboucles, de Saphirs, de Rubis, qui lançoient
des feux, & des lumieres entremeslées
auec tant d’éclat, qu’elles faisoient vn iour au
milieu de la nuict, comme elles faisoient paroistre
des Soleils parmy l’obscurité des tenebres.
Les Princes Egyptiens estoient si superbes & si
magnifiques en Couronnes, qu’ils en auoient
que l’on estimoit iusques à la valeur de dix millions