dans ses Prouinces pour les employer ailleurs sur les
frontieres, & à restablir les choses au mesme Estat qu’elles
estoient auant les presens mouuemens, & particulierement
ce qui concerne la reünion du Parlement, &
donner vne route & seureté pour la retraite des troupes
estrangeres, qui sont sous nostre commandement :
Nous sommes tous disposez a enuoyer expres à sa Majesté
pour luy faire entendre les mesmes choses auec
tout le respect que nous luy deuons, ne doubtant point
que la compagnie ne le Iuge ainsi à propos & de nous
conformer aux sentimens, qu’elle prendra dans vne occasion
aussi importante qu’est celle cy, & d’où depend la
tranquillité publique. En tesmoins dequoy nous auons
signé la presente declaration. Faict à Paris le vingt-deuxiesme
Aoust mil six cens cinquante deux, Signé
GASTON ET LOVIS DE BOVRBON.