Barrois, [H.?] (sieur de) [1649], ECHO DE LA FRANCE TROVBLEE, PAR LE DEGVISÉ Mazarin. Representé par la figure d’vn ours. Par le Sr BARROYS. , françaisRéférence RIM : M0_1178. Cote locale : B_13_45.
page précédent(e)

page suivant(e)

-- 3 --

tourmens que souffre Perille enfermé dans le taureau
d’airain eschauffé. Paris vous verrez incontinent qu’il
veut perir de ma perte, & que son maintien ne veut prester
l’oreille aux cris épouuantables de tant de peuples qu’il
fait mourir : ie l’apperçoy sousrire aux gemissemens. Tu
m’as donc, cruel Neron, rauy mon Roy, mon laurier & ma
Couronne, apres m’auoir embrasée comme Troye.
Royaumes reconnessez le à sa robe empourprée, à son
faisseau qu’il a pris pour emblesme, à la hache passant au
milieu : elle est toute tiede du sang des pauures, ausquels
il a osté & oste la vie : Enfin c’est vn sanguinaire broüillé &
broüillant. qui veut fouler superbement nos cadaues aux
pieds. Appelez-le si vous voulez Volessus, qui mit en
proye la ville de Rome. Non c’est vn natif de Sicile nommé
Iules Mazarin, perturbateur du repos public, lequel a
troublé mon Royaume, mis monpetit Gedeon en proye,
peruerty les Princes, excité les peuples, a mis tant dedans
que dehors Paris tant de mille nobles & honnestes hommes
pour s’exposer au hazard de son jeu, qu’il appelloit
souuent vn repic sous main, en joüant l’Aduocat aussi
bien que de son reste. O ! que tu crois bien, paricide, auoir
fait vn acte digne de triõphe, secoüant le joug à la crainte,
portant sur ton front pasle les marques de la joye qui te
chatoüilloit le cœur au plaisir que tu receuois à la detestable
veuë des effets du pouuoir & de l’authorité de laquelle
tu as meschamment abusé, tu en auras le dementy sacrilege,
encore que tu ayes reduit mes peuples à l’extremité,
& que tu ayes laissé glisser en ton esprit possedé du Prince
des tenebres, la rage pour tourmenter tant d’innocens
qui te conduiront souffrir le supplice que tu leur as prepare :
on y a déja marqué le lieu.

 

Cœur signifie
Paris.

non pour
armes.



page précédent(e)

page suivant(e)