Duc d’Orleans pour se mettre bien auec luy, à
quoy il consentit : car il fit resoudre Monsieur le
Prince pour luy pardonner sans differer d’vn
seul iour, & le receuoir dans son amitié : Ce discours
fit vne telle impression sur son esprit, que
pour ne pas encourir le reproche d’auoir entrepris
sur l’authorité Royale, & auoir esté la cause
de nouueaux troubles en France, il se laissa vaincre
aux prieres de Son Altesse Royale, & sans
consulter dauantage, il escouta toutes les propositions
qu’on luy voulut faire. Il vid la Reine
le vingt-septiéme du mesme mois de Septembre ;
& en sa presence, il accorda au Cardinal
Mazarin le pardon qu’il luy auoit fait demander :
Et ainsi ceste rupture se termina presque
aussi-tost qu’elle eut esclaté ; & Monsieur le
Prince donna aux prieres de Son Altesse Royale,
& au repos de la France, ce qu’il auoit sujet de
refuser aux feintes larmes & sousmissions de ce
Cardinal.

Cette reconciliation si prompte se fit auec
autant de seuerité de la part de Monsieur le Prince,
que d’artifice & de perfidie du costé du Cardinal
Mazarin : car il en tira les aduantages qu’il
en auoit esperé contre Monsieur le Prince pour
ses desseins : Il sceut que Messieurs les Duc de
Beaufort, le Coadiuteur, & quantité de personnes
de qualité, qui s’estoient vnis auec luy pour