miraculeux comme le premier coup de Fronde
chacun sçait que le Cardinal qui ne croyoit
point auoir d’armes à l’espreuue d’vne semblable
atteinte & qui en auoit eu frayeur le iour
des baricades se seroit retiré à S. Germain & expres
pour se conseruer auroit emmené le Roy,
la Reine, Monsieur le Duc d’Aniou, Monsieur
le Duc d’Orleans & Monsieur le Prince de Condé,
pour se couurir de leur protection, esperant
que S. Germain à cinq lieuës de Paris estoit hors
de la portée de la Frõde, & que quãd mesme elle
auroit plus fait que la meilleure couleuerine qui
arma d’autrefois la Rochelle, que le Parlement
qui a tresgrand respect pour le Roy, la Reine,
& pour tout ce qui est de la maison Royale ne
l’oseroit iamais attaquer, il ne se persuadoit pas
que la Frõde eut des vertus toutes particulieres
& que bien esloigné de toucher de sa pierre au
Roy & a l’Estat quelle scauoit adroictement
tuer celuy qui troubloit son repos & mettre
toute la maison Royale en sauueté, enfin par
experience il a cogneu la dexterité de nos braues
Senateurs il s’en est voulu vanger en nous
faisant venir des Polonnois & des Allemands
toutesfois il n’a point eu l’addresse de ruiner
ceux qu’il a creu estre ses ennemis, mais seulement

page précédent(e)

page suivant(e)