AV ROY.
SIRE,
Ce fut auec raison qu’Alexandre autresfois
fit faire defense aux mauuais Peintres de tirer son Portraict,
& de representer ses Victoires. En effet il n’estoit pas iuste
qu’vne main grossiere & pesante, forma les caracteres de
tant de grandeurs, auec les traits d’vn pinceau qui n’estoit
pas assez delicat, & qui auoit moins de dexterité qu’il en
falloit pour donner de l’éclat, & des couleurs à vne Maiesté
Souueraine ; L’on iuge dans le visage des Roys, ce qu’ils
sont au dedans, & l’image de leurs yeux est tousiours la parfaite
idée de leurs vertus. Ainsi lors qu’elle est mal grauée,
elle diminuë la gloire du Prince, & les siecles suiuans qui
la voyent, & qui la considerent, ne se peuuent persuader
qu’il y ayt eu tant de vertu, de generosité, & de courage
dans vne ame, dont le corps n’auoit pas toutes ses perfections
& toutes ses beautez. Ie puis dire de mesme, SIRE, qu’il
seroit à propos que toutes sortes de plumes n’entreprissent pas
de descrire vos incomparables vertus, & qu’aucun Orateur