Anonyme [1652], LE DVEL DE MONSIEVR LE DVC DE BEAVFORT IVSTIFIÉ PAR L’INNOCENCE DE SES mœurs, par le succez de ses armes, & par sa fidelité incorruptible enuers les Bourgeois de Paris. AVEC LE PARALELLE DE SES actions, & de celles du Coadjuteur, pour seruir de preuue à ses trois raisonnemens. , français, latinRéférence RIM : M0_1176. Cote locale : B_9_21.
page précédent(e)

page suivant(e)

-- 5 --

pretenduë ; iugez si tous les François ne sont
pas obligez de croire, que ces paroles sont des
Oracles, qu’il faut respecter auec amour &
fidelité.

 

Ces veritables loüanges donnerent ialousie
au Cardinal de Richelieu : il imposa des crimes
au pere pour esloigner les enfans de la Cour ; &
quoy que cette retraite sembla estre iustifiée par
vn commandement Royal ; neantmoins il est
certain que sa Majesté ne pouuant oublier le
Duc de Beaufort, luy escriuit plusieurs fois des
lettres, en des termes si obligeans, que pour sa
gloire ie deurois icy les inserer, si tout le monde
n’auoit connoissance de cette verité : vsque ad
nubes hæc veritas.

Le feu Roy à l’article de la mort, ne voulut-il
pas voir le Duc de Vendosme ? ne demanda-t’il
pas le Duc de Beaufort ? & ne le pria t’il pas de
continuer son seruice au Roy son fils, & son
afféction enuers la Reyne ? il s’est acquitté de
l’vn & de l’autre tres-fidelement, mais il en a
esté fort mal recompensé : Nullum est odium perniciosius,
quam beneficij violati pudore. On l’arreste
prisonnier pour auoir contribué plus qu’aucun
Officier de la Couronne, à la Regence
de la Reyne ; & on luy fait souffrir vne prison de
plus de cinq années, pour auoir eu des yeux & des
oreilles. Voilà le crime de Mr le Duc de Beaufort :
Il voit le Cardinal Mazarin dans la chambre
de la Reyne, dans la ruelle de son lict, & assis



page précédent(e)

page suivant(e)