faictes. Cela fait, que ie change aussi d’avis touchant Monseigneur
d’Orleans en la personne de la Riuiere ; car vous deuez sçauoir que
ce nom de la Riuiere n’est pas celuy de son pere, ny de sa famille.
Son pere estoit vn gaigne denier, ou chargeur de bois en greue, qui
s’appelloit Barbier, lequel par raillerie ou mépris, fut surnommé
la Riuiere par ses camarades, comme on appelle vn laquais la verdure,
la Fontaine, ou la Rose ; sa naissance vile n’a pas esté suiuie
d’vne meilleure education. Il n’y a point de college dans l’Vniuersité
qui ne retentisse encore de ses friponneries, & toute la Cour
sçait par quels seruices il a merité les bonnes graces de son Maistre,
qui luy ont acquis le titre glorieux d’Aumosnier Spermatique ;
& c’est dans ces combats nocturnes & secrets que ce Prince
a gaigné les gouttes qui le mangent maintenant. Ainsi persistant
en ce que ie disois tantost, s’il faut conclure pour son regard, c’est
de le reduire au mestier de son pere, ou de le metamorphoser en
riuiere pour la nourriture des poissons, en quoy i’estime que vous
ferez vn plaisir indicible aux Parisiens, qui n’ont pas moins d’auersion
pour luy que pour vous.

Le Card. Ie sçay bien qu’ils n’ont pas plus d’amour pour luy
que pour moy ; mais ie feray qu’ils le detesteront d’auantage, &
qu’ils en auront sujet. Ie descouurirray toutes les fourbes dont il
s’est seruy pour seduire son Maistre. Ie feray l’inuentaire de toutes
les laschetz qu’il a commises, en se laissant corrompre luy-mesme.
Ie publieray toutes les trahisons épouuantables, dont il est l’ingenieur :
les perfidies estranges & cruelles dont il a vsé à l’endroit
de Madame & de Mademoiselle. Ie donneray au public les memoires
qu’ils m’a donnez, ou Mademoiselle verra l’inuentaire dés
affrons qu’elle a soufferts, & des malices qu’on luy a supposées ; le
Parlement & Paris, l’origine d’vne partie de leurs persecutions,
& le peuple de la plus dure, peut-estre de ses miseres. L’on connoistra,
mais auec horreur, ce qu’à peu faire dans vne ame vile, lasche,
mercenaire, mais ambicieuse, le desir du bien, de la grandeur, &
de sa conseruation aupres d’vn Ministre, qui se peut dire le Maistre
du Royaume comme ie suis. De maniere, qu’il ne sera pas necessaire
que i’y mette la main, il ne faudra que crier haro, ou laisser
faire les valets de pied, ou marmitons de Luxembourg : & quãd
il le faudroit, mille pistoles le seront mettre en estat que son tombeau
sera plus ignoré que celuy de Moyse. Ie suis seulement estonné
de ce qu’on le laisse en repos, qu’on ne fait pas sa genealogie