A. L. [signé] [1652], LA GENEALOGIE DV PREMIER PRESIDENT. , françaisRéférence RIM : M0_1476. Cote locale : B_19_30.
page précédent(e)

page suivant(e)

-- 18 --

fit ligue contre le Duc de Beaufort. le meilleur
le plus sage & le plus genereux Prince
vostre Royaume y estant excité par son fils
pensoit par la acquerir tout credit au pres du
P. de Cõdé, & que depuis ayt veu ce fils chassé
de la maison de ce mesme Prince comme vn
cocquin, & menassé d’estriuieres, Il s’est porté
à donner à Vostre Majesté & à la Reyne vostre
Mere des Conseils tout à fait violans qui mettent
la diuision dans la famille Royalle qui donnent
tous sujet de mauuaises satisfactions au
Duc d’Orleans, & qui iettent le Prince de
Condé dans vne malheureuse necessité de se
deffendre des intrigues de ce faquin, luy qui
iusqu’icy n’a eu vn bras & vn courage que pour
maintenir l’Estat & la Couronne contre les efforts
de vos Ennemis. Ne permettez pas SIRE,
que ce meschant homme soit plus longtemps
dans le pouuoir de faire des iniustices à vos
Sujets d’irriter la patience & le courage des
Princes de vostre sang, & d’entretenir le trouble,
& la diuision dans vostre Estat par ses
meschans Conseils, & ses suggestions pernicieuses
que Vostre Majesté ne differe pas d’vn
seul iour à luy oster les Sceaux sans que pour
le peu de temps qu’ils les a eus, il en tire autre
auantage, sinon qu’ils luy seelent peut estre l’abolition
de ses crimes qui seront enseuelies


page précédent(e)

page suivant(e)