Siege, qu’il combat par ses écrits se soucioit
aussi peu des saincts Conciles & des Ordonnances
de l’Eglise ne s’estant guere mis en
peine descouter la voix publicque à lesgard de
son fils qui selon le precepte de l’Apostre doit
estre fauorable à celuy qu’on d’estine à l’Episcopal,
moins encore consulter le Canon
neufuiesme du Concille de Neocesarée : mais
m’arrestant seulement à ce qui regarde son aisné
quel malheur, SIRE, ne seroit ce point pour
vostre Estat, si ce petit frippon & mutin, audacieux,
la proye de la fougue, de la luxure & de
l’ambition perdu & abismé dans les plus villaines
débauches venoit à estre pourueu d’vne
charge considerable soit dans le maniement
des finances, soit dans l’exterieur de la Iustice
soit dans quelque autre employ ou commission
d’importance. Ce malheureux pere ne
peut ignorer que son fils est endetté d’vn million
de liures qu’il a emprunté pour satisfaire
à son luxe & à sa débauche, il scait qu’il a par
tout Paris de sales pratiques & des Commerces
tout à fait honteux, il s’est veu luy mesme dans
le scandale & dans l’infamie, contraint de se
dettosner pour vser des termes de son fils, affin
de n’estre point iuge en vne affaire ou il s’agissoit
de l’interest d’vne Maistresse qui veut passer
pour fille, quoy qu’elle ait esté veufue & qui

page précédent(e)

page suivant(e)