"8"/> de telle sorte que les diuers partis ne
se virent plus. Cette obscurité n’estoit que
pour eux, & non pas de mon costé ; parce
que i’obseruois leurs contenances, ne
plus ne moins que l’on peut faire durant la
clarté d’vn iour serain & agreable. Ie vis
donc nos aduersaires, i’entends ceux qui desirent
l’entiere destruction de nostre amy ;
j’etter quantité de petits Batteaus sur cette
Riuiere, qui les empeschoient de venir à
nous, & la passerent sans aucuue difficulté,
d’autant que les nostres ne leur faisoient
aucune resistance, à cause qu’ils estoient
fatiguez & grandement appesantis de sommeil.
L’aurore commençant à paroistre, ils
vireut bien qu’ils estoient surpris, & que
l’on les poursuiuoit de pres. La peur se saisit
de leur accoustumée vigueur, & les rendit
comme perclus de leurs membres. Cela
me fascha fort, & eusse bien desiré
d’auoir le pouuoir de leur remettre le courage
qu’ils auoient perdu en si peu de temps ;
ie fus aussi tost consolé, les voyant reprendre
cœur, afin de vaillamment resister à l’effort
que leur pouuoient opposer nos ennemis.
Ha ! ie me repens d’auoir l’aché cette
parole, puis que les aduerses partie sont tous

page précédent(e)

page suivant(e)