ie n’en demordrois pas pour tous les Fils d’Eue &
d’Adam.

Le Critique.

Chacun est libre de foller à ses despens.

La Reyne.

Ma chemise m’est plus proche que ma camisole,
& qui m’aime, aime mon chien.

Le Critique.

Elle est comme le camelot, elle a pris son ply.

Le Priué Conseil.

Vn valet ne peut faire que ce que son maistre
luy commande, ny vn cheual bridé aller autrement,
que comme on le mene.

Le Critique.

Qui se fait beste, merite que loup le mange.

Le mesme Priué Conseil.>

Nous sommes du bois dont on fait les vielles de
tous bons accords.

Le Critique.

Autrement, bas à toutes bestes.

Le Premier President.

Ie suis le Chien au grand Collier, rien n’est bien
fait, si ie ne le fais.

Le Critique.

La grand’Barbe ne fait pas le Philosophe, ny
l’Homme d’Estat.