qu’elle a receuës ; cette mesme puissance qui
la renduë mere & absoluë, n’a rien perdu de ces
bontés ny de ces grandeurs ; & il y a encore des
biens à pretendre au dessus d’vne couronne temporelle,
& d’vn Sceptre de roseau : MADAME,
que vostre Majesté y pense s’il luy plaist ; & diminuant
ces alterations funestes, elle posera
au pied de la Croix, & dans le fiel & le vinaigre
du Sauueur, toutes les aigreurs qui la rendent
ingratte à son souuerain, & insensible & inexorable
aux larmes des Iustes ; C’est sans doute : MADAME,
que parmy tant de blessés il s’en trouue
quelqu’vn qui merite vn traitemẽt plus doux,
& c’est au nom de ceux là que ie demande à vostre
Majesté vn retour aduantageux, vn pardon
au coupable & à l’innocent, & vne resolution de
paix & de charitable dilection pour tous ceux
qui ne peuuent viure priués de cette douceur ; Et
dans se sentiment pieux, vostre Majesté rétablira
les Monasteres & le culte de Dieu, & gaignera
sur tous les cœurs vn droit que le Seigneur luy
conseruera pendant sa vie ; & apres cela la comblera
des felicités inalterables, que ie luy souhaite,
comme estant la plus fidele de ces tres-humbles
seruantes.

S. D. N.