a tasché à ruiner la nature de ses plus riches ornemens
& la dépoüiller de son Estre, qu’elle tasche par des effets
aussi iustes qu’innocent à perpetuer Mais ce n’est
encore assez de dire que vous estes vn grand Pasteur,
qui fait paroistre sa Lumiere en la plus illuminée & éclairée
Ville du Monde, & la plus feconde en Sciences
que sçauez eminemment, si ie n’adiouste que ne defendez
pas seulement les ames qui sont soubmises à
vostre verge Pastorale (contre l’attaque des Demons,
liurans la guerre à l’ame, qui fait la plus excellente partie
du composè humain) mais encore vous protegez
les Corps par l’excez de la Charité qui est infuse dans
vostre ame, & vous prenez la Croix, comme autrefois
fit S. Michel, afin d’exterminer le Dragon, qui est
cét Apostat qui a la figure de l’Agneau, & neantmoins
exerce celle de Loups, qui a des maximes opposez à
la Religion, & partant c’est vn impie, vn Perturbateur
du repos Public, vn seditieux, vn vsurpateur des biens
du prochain, qui par longues années à soubmis la
France sous son esclauage, & qui luy rauy tout son reuenu.

Cét indompté & furieux est en la bouche de tous les
hommes, qui vomissent des imprecations contre ce
cruel Iberien appellé Mazarin, & vous (Monseigneur)
comme vn Soleil sur lequel les Cieux dardent les plus
éclatans trais de leur Lumiere, & que par vne Charité
aussi grande que Religieuse, vous vous opposez aux
pernicieux desseins de ce celebre ennemy, Et par des
faueurs Celestes, on voit tous les iours le succez de
vos armes, & vos Caualiers qui estans animez par vôtre