Rozard, N. [signé] [1649], LE TRIOMPHE ROYAL, Et la réjoüissance des bons François, sur le retour du Roy, de la Reine & des princes. AVEC LA HARANGVE QVI LEVR a esté faite à leur entrée à Paris le 18. de ce mois: Ensemble l’explication du Feu artificiel de la Greue. , français, latinRéférence RIM : M0_3884. Cote locale : A_7_60.
page précédent(e)

page suivant(e)

-- 16 --


De ces thresors nous donne le plus riche,
Iour qui nous ostes les peines & les fais.
Iour trois fois heureux qui nous donne la paix
Ie dy ce iour auquel les plus grands Dieux
Nous ont uersé le parfait de leur mieux
Enrichissant d’une main tres feconde
L’espace entiere de cette masse ronde.

 

Ie m’emporte insensiblement à cette enarration Royale
qui doit passer à la posterité, pouuans dire que les Siecles
passez n’ont veu, n’y le Soleil éclairé vne Pompe si
magnifique & triomphante, & qui ait plus ietté d’admiration,
n’y rauit les esprits, ou les plus iudicieux ont
esté comme extasié à l’aspect de plus de deux millions
de personnes, qui ont parus à ce glorieux spectacle digne
d’estonnement, ceux qui estoient sur les Theatres,
aux fenestres, mesme sur les toicts, estoient comme
pepinieres, cette grande foule n’a pas moins donné de
rauissement auy estrangers, que les affections & tendresses
qu’ils ont veu paroistre aux bons François
à l’endroit de leur Prince & Monarque ont esté
grands ; Les chants publics, & les exclamations d’allegresses
ont parus, & fait vn rauissant echo auec celuy des
Trompettes, qui s’est fait entendre iusqu’au plus haut
des nuës, & ces paroles populaires, Viue le Roy,ont esté
si iterées qu’elles ont esté aussi communes que les chauues-sourits
dans la ville d’Athene ; Mais ce narré seroit
priué de ses plus precieux ornemens, si ie ne l’accompagnois
de toutes ces circonstances, pour en faire à iamais
admirer l’éclat.

Ce triomphe aussi maiestueux que venerable, a pris
sa naissance dés Chantilly, où les Academies de Paris
& toute la Noblesse de France ont esté au deuant de
cette Majesté, pour luy rendre les sousmissions, deuoirs
& actes de bien-ueillance deuës à vn si grand Monarque



page précédent(e)

page suivant(e)