Lys, la premiere sur le pied détail : la seconde comme au
milieu : & la troisiesme, sur la cime du Chandelier. Voila
les Armes de France toutes d’or, qu’il faut honorer &
blasonner en cette façon. Ces sept Lys qui tousiours
fleuronnent, peuuent signifier les sept dons du S. Esprit,
qui les timbrent d’vne Couronne Souueraine & Imperialle
auiourd’huy. Ce nombre parfait & sacré peut aussi
monstrer que les trois Vertus Theologales, & les quatre
Cardinales, doiuent accompagner, & comme timbrer
les sainctes Armes azurées & celestes de nos Rois.
Ces sept lampes d’or tousiours ardentes deuant le Tabernacle
du Roy des Roys, posées sur ces sept Fleurs de
Lys d’or, comme la Fleur Souueraine des Roys Souuerains,
sont nos Roys, qui ont par tout & en toute saisons,
éclairé, deffendu, seruy, aggrandy, estably & maintenu
en paix le Tabernacle de l’Eglise Catholique Apostolique
& Romaine, comme entre les autres ont fait Clouis,
Pepin, Charle Magne, Charles Martel, Philippe Auguste,
Louys VIIIr. S. Louys l’honneut de la Vertu des
Roys, & nostre ieune Monarque leur petit Fils, qui ont
planté ces saintes armes & arboré la Croix de Iesus-Christ
sur les murailles de son Eglise, & qui ont sagement
basty leur Estat sur ce fondement. Et c’est pourquoy
ils ont esté honorez par l’Eglise de ces belles qualitez
de Tres-Chrestiens, de Catholiques, & Fils aisnez
de l’Eglise. Le premier Concile d’Orleans les qualifie
Catholicus, Ecclesie Filius, Louys Debonnaire fut
nommé au Concile d’Aix Christianissimus, le mesme tiltre
fut aussi donné à Charles le Chauue au Concile de
Soissons.

Caut. 2.
[illisible]

[illisible.]
le Roy d’Angleterre
[illisible]
les hommes, &
en sont tant ennemis,
qu’ils déchirent
leurs figures & portraicts.
3 Reg. 7.

Et le sage Roy ayant acheué le Temple, il le meubla
bien plus richement que Moyse n’auoit fait son Tabernacle :
car au lieu d’vn chandelier d’or, il en donne dix
du mesme allois, & semblables tous à celuy de Moyses,
qu’il placa au Temple pour le decorer, éclaircir & seruir.
Il y donna encore vne mere d’vne admirable grandeur