de Caton & de Regule, la constance Scaure, & la cruelle
& sanglante bataille des Cannes, où la valeur du Peuple
Romain fut surmontée par le glorieux Annibal, &
tuée miserablement à la conduite de Paule, qui combattant
pour la Republique, sacrifia sa vie, assisté de la
Noblesse Romaine, & y trouua sa fin ? Rapporteray-ie
en ce lieu la debonnaireté de Fabrice, qui sçachant que
pour luy complaire ; vn sien Medecin auoit dessein d’empoisonner
le braue Pyrrhus Roy des Epirotes, ennemy
des Romains, contre qui il exerçoit son courage, il l’en
aduertit, & ne voulut brauer la valeur de ce grand Capitaine
par ce lasche moyen ? Passeray-ie sous silence le
mépris que faisoit Curie des richesses & des tresors ?
Ces glorieux exploicts de guerre de Camille ne sont-ils
pas à reciter qui exilé de la Ville de Rome, & dans son
absence estant crée Consul, chassa genereusement les
François, qui triomphans il y auoit six mois de la premiere
Ville du monde, pensoient estre inuincibles, &
furent contraints d’abandonner l’Italie par son adresse ?
La renommée de Marcelle, honoré cinq fois du Consulat
ne mourra iamais, l’Astre de Iulle paroist entre
tous, comme la Lune parmy les Estoilles. Ne m’est-il
pas permis d’adjouster ce Grand Alexandre, qui ayant
conquis toute la terre & fait trembler les voûtes azurées
par ses foudres, & épouuanté toutes les puissances de
la terre par ces Armes ? Mettray ie sous silence cét auguste
Cesar ; qui rauit aux Parthes la gloire, dont ils se
preualoient d’auoir dans la bataille r’emporté les enseignes
de Craslus & Marc-Anthoine, sa valeur les a subjuguez,
dissipez, mis en fuitte, & ont seruy d’ornement
à son Triomphe. C’est luy, dis-je, qui a assuietty les
Orientaux & les Indiens sous son obeyssance.

Toutes ces belles representations ne sont rien en
comparaison des Eloges deuës à ce grand Monarque,
qui ne réjoüit pas moins la veuë de ces Sujets, qu’vn
Espoux fait ceux de son Espouse bien-aimée apres vne