que la priuation de ses honneurs, ny celle de
ces amis, qu’il estimoit plus que soy-mesme, ne le touchoient
point en comparaison ; qu’il sçauoit que les
vns dépendoient de la fortune, & que l’affection des
autres trouueroit assez de moyens pour se satisfaire
durant son absence ; qu’il ne doutoit pas que Madame
de Barillon n’eust assez de cœur pour se resoudre
sur sa disgrace, qu’elle ne luy reseruast toutes ses inclinations,
& que comme la Palme, elle ne se roidit contre
le mal-heur pour le secourir ; mais qu’il cognoissoit
la qualité de son mal, qu’il estoit contagieux, &
qu’il ne se communique pas seulement à celuy qui
l’approche, mais aussi à ceux qui en sont fort éloignez.

Ces pensées l’entretindrent de Paris iusques à Embrun,
où il arriua le 15. Auril, le Samedy Sainct.

Le lendemain se passa en deuotion, (comme le doit
faire vn parfait chrestien) il se confessa, & receut la
saincte & sacrée Communion de la main de Monseigneur
l’Euesque d’Embrun. Incontinent apres son
disner il visita ce Pre lat, dont ils eurent ensemble vne
assez longue conference, en suite dequoy ils furent
oüyr la Predication, puis les Vespres.

Le 17. il partit d’Embrun, & le lendemain il arriua
en cette Ville de Pignerol sur les quatre à cinq heures
de releuée ; il estoit porté dans vne littiere, d’où sortant
souuent la teste, il salüoit vn chacun d’vn visage
guay, & si plein de douceur, qu’il arrachoit du cœur
des regardans des larmes, bien qu’elles ne sortissent pas
de leurs yeux.

Comme il fut deuant le logis, où pend pour enseigne