LES SOVHAITS DES BONS FRANCOIS
enuoyez à Messieurs les Deputez du Parlement,
qui traittent de la Paix
MESSIEVRS,
Il n’y a pas vn de vous autres qui
ne connoisse la miserable condition de
nostre commune mere la France, qui
triomphante iadis des Nations estrangeres, se
voit auiourd’huy captiue, enchaisnée & deschirée
par vn Estranger ; C’est ce monstre d’auarice
& d’orgueil ce Cardinal Sicilien, ce Ministre
nouueau, monté à cette dignité si honorable &
si importante au Royaume, non par son extraction,
par sa vertu, par sa valleur ou par ses seruices,
non par les vœux de l’Eglise, par le consentement de
la Noblesse, ou par la volonté des peuple ; mais par
le malheur de la France. C’est luy qui a aliené les esprits
de nos Princes du seruice de sa Majesté, qui a
osté aux Seigneurs les Charges deuës à leur Vertu, qui
n’a laissé aucun Benefice vacant, qui a pris à millions
dans les coffres du Roy, & a attiré dessus cette ville
les maledictions de ceux qui pour assouuir son auarice,