le Theatre de toutes les plus horribles calamitez. Mais
c’est parler à vn animal, qui n’a ny cœur ny oreilles ;
il n’a que la langue & le ventre, il sera plutost
accablé que reueillé. Pour moy puisque ie
voy que Dieu l’abandonne au sens reprouué, ie
me resous, Monsieur, à suiure vostre conseil, &
i’accepte auec mille remerciemens,la retraitte que
vous m’offrez dans vostre belle maison de frere.
Ie seray là quelque temps à l’abry des premiers
coups de la fureur Mazarine ; & s’il arriue que i’y
entende le grand bruit que fera la cheute du miserable
Paris ; ce sera auec moins de danger, bien
que ce ne soit pas auec moins de deplaisir. Ie n’attends
plus qu’vn passe-port & l’escorte pour me
mettre en chemin, & pour vous asseurer de viue
voix, que ie suis.

MONSIEVR,

A Paris, ce 29. Iuin 1652

Vostre tres-humble,
&c. R.