Il estoit desireux de sçauoir quelque chose
De ce qui ce passoit. I’auois la bouche close ;
Il me dit, mon amy, ne m’apprendrez-vous rien
Qui soit pour nostre mal, comme pour nostre bien.
Lors ie luy respondis : Monsieur, toute ma vie
De sçauoir le secret de l’Estat n’eus enuie,
Ie ne veux penetrer dedans le Cabinet,
Qui est, ou qui doit estre en ce lieu pur & net,
Il nous est pas permis de iuger en nous mesmes,
Des affaires d’autruy ; Ce seroient des blasphemes,
Que de penser former vn si fol iugement,
N’ayant rien que ce lieu pour nostre logement.
Il suffit de vous dire que nostre Paix est faite,
Et que son ennemy aduance sa retraitte.
Qu’il ne doit point venir de long temps à Paris,
Et qu’au lieu de nos pleurs nous placerons les ris.