Couronne, qui à la verité meritoit des recompenses
bien liberales & extraordinaires : Et comme
i’ay receu ordre de son Altesse Imperiale de vous
faire offre tant de la part de sa Maiesté que de la
sienne, d’vne prompte & entiere satisfaction de vos
arrerages que la France vous doit, mesme de trois
ou quatre mois de la solde de surcroist pour faire le
voyage & retour vers vostre pays, auec liberté de
passages par cette place & tous autres de l’obeyssance
de sa Maiesté & de l’Empereur son frere. Ie n’ay
sceu m’excuser de vous en donner part aussi-tost &
par diuerses voyes, aussi de vous donner les asseurances
que pourriez desirer de l’accomplissement dudit
offre, vous priant, si vous en pretendez des oulterieurs
de vouloir choisir ou dénommer quelque
place idoine, mesme hors du lieu de mon Gouuernement,
où ie pourrois trouuer vos Deputez & traicter
auec eux plus particulierement, & de bouche,
auec la sincerité & candeur de laquelle vostre Nation
a accoustumé de proceder, & que pourriez desirer
de celuy qui fait profession de vous tesmoigner
qu’il est veritablement,

MESSIEVRS,

Vostre tres-humble &
obeyssant seruiteur,

DOM ANDRE PIEDMONTEL.

A Nieuport le 8. Iuin 1649.