force & la viuacité des plus sublimes argumens
pour la gloire de l’Estat, mais encore pour le soulagement
des peuples, la supresme sagesse de tous
les bons Conseils.

Car outre les incomparables Conseils ou preside
sa Majesté, le grand & Auguste, quoy qu’enbulant
y rend sa vertu sedentaire ; de sorte qu’il
est vray de dire, que sans eux le particulier ny le
general ne sçauroient en fin reussir dans aucune
entreprise, ny jouïr parfaitement de la beauté rauissante
de sa raison, dont ce necessaire Parlement
& tous ces dignes Magistrats de son Ressort, n’ont
jamais voulu ny deu pour quelque cause ou rencontre
que ce soit se separer ; Ainsi nous pouuons
assurer qu’elle y sera auec son Sceptre, ie dits auec
sa balance, jusques à la consommation des siecles :
Seroit-il vray semblable qu’vn si petit nombre
d’onze, ou quelque fois mesmes de sept Iuges,
eust depuis tant d’années prononcé des Arrests
contre tant de millions de personnes, sans estre
destruit s’il auoit mal jugé ; Non certes, nos François
sont trop prompts & trop vaillans pour cela ;
Mais comme il n’y a point eu de plainte pour la
perte d’vne chose juste, aussi n’a ton point veu
deffect violent.

Vous me direz qu’il y a eu plusieurs Requestes
Ciuilles contre leurs Arrests, il est vray, mais c’est
vne marque de leur sincerité, qui permet à la verité