LE TESTAMENT DV CARDINAL
Mazarin, trouué en son cabinet, par luy dressé
du temps des barricades.

AV nom de la tres Saincte Trinité, Pere,
Fils & Sainct Esprit, ausquels sont deubs
toutes adorations. Moy Iules Mazarin par
la grace de Dieu, Prince & Cardinal du S. Siege
Apostolique ayans recognu auec maturité & deliberation
d’esprit qu’il n’y a chose qui fasse plus
d’impression sur les esprits, que le souuenir de la
mort, n’y ayant rien de plus certain qu’il faut subir
& acquiescer à ces Loix par vn decret Eternel,
& neantmoins n’y a rien de plus douteux ny incertain
que l’heure de ce triste depart ; au moyen
dequoy pour le repos de ma conscience, veu mesme
que ma vie est suspenduë en vn filet, au dessous
duquel ie vois vn precipice d’autant plus à craindre
que ie me vois au milieu de Paris, comme dans
vne mer orageuse, qui me menace d’vn subit n’aufrage.
Et d’autant que ie vois que le Ministere que
i’exerce m’oblige à demeurer dans ce triste seiour,
pour supporter le ioug des affaires d’Estat, comme
y ayant esté appellé par sa Majesté dans l’epreuue
& experience qu’elle a euë à mon peu de merite,

page précédent(e)

page suivant(e)