des coffres de mon épargne.

Item, en cet article de neant, veux & entend
qu’il y ait vne telle vnion parmi mes heritiers,
qu’aucune combustion, contension, ou different
ne ce rencontre parmy eux qui puisse rompre ou
alterer l’amitié mutuelle qu’ils ce doiuent porter,
à peine de reuocation, Et neantmoins afin que cette
donation ait force & vigueur, elle ira directement
sauf contrauentiõ à ceux que les executeurs
Testamentaires verront estre plus susceptibles &
que leur affection aura rendu plus habile a succeder.

Ie donne d’vn franc cœur à son Altesse Royale,
Monseigneur le Duc d’Orleans, vn vase d’argent
enrichi de figures, graué de diamans de la valleur
de cinquante mille liures, lequel vase seruoit de
parure & ornement à mon cabinet.

Ie supplie aussi Monsieur le Prince de Condé,
d’auoir pour agreable vn cupidon éleué sur vne
Tour, portee & soustenuë par deux Lyons entouré
d’escailles Marines, bordees de pierreries, de
pareille valleur de cinquante mille liures.

Item, donne & legue à ma susdite niepce aisnee,
outre ce qui est contenu au quatriesme article,
mon carrosse equippé, attelé de six cheuaux, mais
attendu que ie ne sçay si vne telle liberalité fera
impression sur son esprit en l’obligeant de s’vnir
coniugalement, veu l’inclination qu’elle a à la
Religion & vie Monastique ou elle est à present,
en ce cas n’en pourra iouyr que sa vie durant, ou