DE PAR LE ROY.
NOS AMEZ ET FEAVX,
Voyans que les affaires qui nous auoyent
obligé de nous aduancer vers
nostre frontiere de Picardie, sont aux
termes que nous le pouuions desirer pour la seureté
de nostre Estat & le bien de nostre seruice,
Nos Armées de Flandres estans au delà de Lescault,
qu’elles ont passé à la veuë de celles des Ennemis,
& les ont poussées auec perte & confusion de leur
part, l’Archiduc y estant en personne. Et pendant
nostre sejour par deçà ayans fait de nostre part
les choses necessaires pour r’entrer en Conference
sur le traicté de la Paix entre cette Couronne
& celle d’Espagne, que les Espagnols auoyent
rompu à Munster : D’ailleurs ayans mis en grande
consideration les instances qui nous ont esté faites
diuerses fois pour nostre retour en nostre bonne
Ville de Paris, Nous auons resolu par l’Aduis de
la Reyne Regente nostre tres-honorée Dame &
Mere, de nous rendre en nostredite Ville l’vn