Louis (XIV), De Guénégaud [signé] [1649 [?]], SVITE DE CE QVI S'EST PASSE à Sainct Germain en Laye. DECLARATION DV ROY, PAR LA QVELLE SONT donnez six jours aux Habitans de Paris, pour rentrer dans leur deuoir. , françaisRéférence RIM : M0_3723. Cote locale : A_1_10.
page précédent(e)

page suivant(e)

-- 5 --

vne Rebellion si estrange en toutes ses circonstances,
& ne laisser pas vn si mauuais
exemple impuny. Mais considerant, que l’authoriré
Souueraine n’éclatte pas moins dans
les actions de Clemence, que dans celle de Iustice,
& compatissant d’ailleurs à ce que lesdits
Habitans se sont jettez dans ce mauuais
pas, plustost par malheur & deceus de l’apparence
d’vn faux bien, que par mauuaise volonté,
ou par dessein formé de nous d’esobeir :
Et nostre affection mesme & nostre tendresse
s’augmentant à proportion que nous sçauons
que leur misere & leur souffrance augmentent,
Novs voulons bien leur tendre les
bras pour les retirer du precipice, dans lequel
ils se trouuent, & leur donner vne nouuelle &
indubitable marque de l’amour que nous
auons pour eux. A CES CAVSES de l’auis
de la Reyne Regente nostre tres-honnorée
Dame & Mere, de nostre tres-cher & tres-amé
Oncle le Duc d’Orleans, de nostre tres cher &
tres-amé Cousin le Prince de Condé, des autres
Princes, Ducs, Pairs, & Officiers de no-Couronne,
& autres Grands & Notables Personnages
de nostre Conseil, estans prés de
nous en grand nombre, Novs auons dit &
declaré, disons & declarons par ces presentes


page précédent(e)

page suivant(e)