Louis (XIV), De Guénégaud [signé] [1649 [?]], LETTRES ET DECLARATION DV ROY, SVR LE SVIET DE SA SORTIE DE PARIS. Auec l’Arrest de son Conseil d’Estat, portant cassation de celuy du Parlement de Paris, concernant le logement des Troupes de sa Majesté. , françaisRéférence RIM : M0_2289. Cote locale : D_1_13.
-- 4 --
demeurans, comme ils ont fait de leur part iusqu’à
present, dans le deuoir de bons & fideles Suiets, ils
receuront de Nous la continuation de tout bon &
fauorable traitement : Et sur ce, ie prie Dieu qu’il
vous ait, mon Cousin, en sa saincte & digne garde.
Escrite à Paris ce 5. Ianuier 1649.
Signé, LOVIS. Et plus bas, DE GVENEGAVD.
Et à la suscription est escript ; A mon Cousin le Duc de Monbazon,
Pair de France, Gouurneur, & mon Lieutenant General en ma bonne
Ville de Paris & Isle de France.
LETTRE DV ROY AVX PREVOST
des Marchands & Escheuins de Paris.
DE PAR LE ROY.
Tres chers & bien amez, estans obligez auec vn
tres sensible déplaisir de partir de nostre bonne
Ville de Paris cette nuict mesme, pour ne pas demeurer
exposez aux pernicieux desseins d’aucuns
Officiers de nostre Cour de Parlement de Paris, lesquels
ayans intelligence auec les ennemis declarez
de nostre Estat, apres auoir attenté contre
nostre authorité en diuerses manieres, & abusé longuement
de nostre bonté, se sont portez iusques à
conspirer de se saisir de nostre propre personne :
Nous auons bien voulu, de l’aduis de la Reyne Regente,
nostre tres honorée Dame & Mere, vous
donner part de nostre resolution, & vous ordonner
|