LETTRE DV ROY AV DVC
de Monbazon Pair de France, Gouuerneur
& Lieutenant General pour sa Majesté en
la Ville de Paris & Isle de France.

MON Cousin, Cette Lettre est pour
vous faire sçauoir, par l’auis de la Reine
Regente, Madame ma Mere, comme ie
me trouue obligé auec vn extréme déplaisir,
à partir cette nuict mesme de ma bonne ville
de Paris, pour éuiter les pernicieux effets de la mauuaise
volõté d’aucuns Officiers de ma Cour de Parlement
de Paris qui a passé si auant, qu’ils ont pris
intelligence auec les ennemis declarez de cét Estat,
& en suitte ont conspiré de se saisir de ma Persõne,
apres auoir entrepris, cõme ils ont fait en plusieurs
choses, sur mon authorité, & sur celle que les Roys
mes Predecesseurs ont bien voulu communiquer à
mes autres Cours Souueraines, de quoy ie desire que
vous dõniez part à mes Fidelles Sujets de ma bonne
ville de Paris, en attendant que ie vous fasse sçauoir
ma resolution sur ces occurrences : Que cependant
vous ayez à vous employer selon l’authorité de vôtre
charge, à ce qu’il n’arriue rien en madite Ville
qui soit preiudiciable à mon seruice, ny au repos
d’icelle, & que vous asseuriez les Preuost des Marchands
& Escheuins, & principaux Habitans, que

page précédent(e)

page suivant(e)