Loret, Jean [?] [[s. d.]], SVITE DE LA GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_24.
Madame de Boüillon la vefue Laissant vne sensible preuue De ce qu’on souffre de rigeurs Quand la mort separe deux cœurs Sous vn funeste deuil succombe, Et visitant souuent la Tumbe Où son Cher espoux est enclos Y faict autour milles sanglots, Et ses yeux plains d’humides charmes Deuenus deux sources de larmes, Honorent de plus nuit & iour Ce digne obiect de son amour, La Conception seroit belle Si je metrois en parallelle Cette dame qu’on crut si fort Comblée d’vn si grand deconfort Auec l’illustre, desolée Qui fit Bastir ce mausollée, Et qui feut, dans l’antiquitté Vn miroir de fidelité, Mais ie sçay que cette pensée Est si souuent repetassée Par ceux qui font milles butins Dans les Liures Grecs & Latins, Que ie passerois soubz silence Cette espece de ressemblance, Puis ces iustement que ie dis Que cette veufue de jadis Parut moints triste aux yeux des hõmes Que celles du Temps où nous sommes, Dont certainement ce malheur Est si profond que sa douleur Ne peut soufrir tant elle est ample De comparaison ny dexemple.
On dit que Messieurs les Frippiers La plus part de vray ferlampiers Aucuns d’eux meschant & damnables Et d’autres assez raisonnables, Traicterent destrange façon. L’autre jour vn pauure garçon Qui d’vn ton vn peu sot & rogue Les Nomma gens de Synagogue, Dés qu’il eut dit ce mot picquant Vn d’eux luy donna quant & quant Six ou sept coups de halebardes, Car ils retournoient de garde Ensuitte ces Gens mutinez Luy cracherent cent fois au nez, Luy disant tes fiebures cartaines Et luy donnerent trois douzaines Des souflets les plus inhumains Auecque leurs patentes mains, En fin quelques vns qui passerent Lesdits Frippiers reprimenderent De ce monstrer si rigoureux, Lors le garçon d’vn ton pleureux Leur dit helas il me martyrent, Leurs rigeurs â moment s’empire Ils m’ont mené me mal menant Du Capitaine au Lieutenant, Et maintenant on me rameine Du Lieutenant au Capitaine, Ils m’ont faict maint indignitté Mocqué, tiraillé, souffletté, Bref la Nation Iudaïque Ne feut guerre moings Tyranique Quand elle tourmenta Iadis Le Createur du Paradis, Vn si tres sçandaleux langage Des Frippiers augmentent la rage
| |||||