lequel rapporta nouuel ordre à M. le Duc de Lesdiguieres,
de mettre M. l’Euesque de Rennes hors de
Grenoble sain ou malade, ce que mondit sieur le Duc
fit exactement executer : Monsieur l’Euesque de Rennes,
ayant esté contraint se mettre dans vn brancard iusques
à Lyon, où il fut plus de deux mois auant que de
pouuoir reprendre sa santé.

Peut-il y auoir au monde vne rigueur semblable, à
celle d’empescher vn frere de prendre le soin de deffendre,
& de solliciter pour vn frere prisonnier & affligé.
Tybere le plus subtil Prince qui fut iamais pour faire cõdamner
les hommes selon les formalitez de Iustice, laissoit
cette liberté aux parents des accusez. Et le Roy
Henry IV. ayeul du Roy, le plus clement Prince de
nostre siecle ; obligeoit mesme les parents à ces deuoirs
de pieté, ayant dit aux parents du Mareschal de Biron
qui prioient sa Majesté de leur permettre. Que les deuoirs
de nature ne se demandoient point à la grace du Prince, que
c’estoit chose à laquelle ils estoient obligez, & qu’il seroit
bien aise que leurs sollicitations operassent en sorte que le Mareschal
peust estre absous. Voila des termes dignes d’vn
Monarque Chrestien, bien esloignez de ceux que le
Cardinal, & le Tellier ont fait prattiquer en cette occurrence
au Roy son petit fils.

La troisiesme Chambre du Parlement de Grenoble,
ainsi establie ; M. le Tellier donna ordre au Procureur
general de faire changer la procedure, à ce que les
Sieurs Dorée, Talon & Moreau : Interrogez cõme complices
à Paris par M. le Lieutenant Criminel à Parpignan
par M. Fouguet & Chirat, & par mesdits Sieurs
les Commissaires à Pierre-Encise, & à Larsenal, fussent
seulement ouys comme tesmoins ; Ledit sieur Procureur
general l’executa ponctuellement, encore que ce
soit procedure non receuë en France : Berault en sa pratique.
Criminelle l’appelle iniustice damnable. Neantmoins
sur icelles M. le Procureur general s’hazarde de