l’ont protege par son ordre contre la iustice de ses Superieurs
Ecclesiastiques.

Il sembloit que ceste calomnie descouuerte feroit changer
la resolution d’arrester Monsieur le Mareschal de la
Mothe ; mais la passion de Monsieur le Cardinal preualut
enfin à la raison. Ledit Mareschal fut rappellé de Catalogne,
il en sortit auec les regrets & les pleurs des peuples,
& en passant à Lyon le iour des Innocens, on l’arresta prisonnier
dans le Chasteau de Pierre Encise. Il auoit eu aduis
tres certain qu’on l’arresteroit là, mais tenant sa conscience
entierement nette, il ne fut pas en la puissance de
touts ses amis & seruiteurs de l’en empescher, de sorte
qu’il vint volontairement se ietter dans les rets, qu’on luy
auoit tendus.

Ceste franchise auec laquelle Monsieur le Mareschal se
rendit prisonnier, meritoit vn plus fauorable traictement,
que celuy qu’on luy a faict, tant à Lyon, qu’à Grenoble ; &
si les Partisans de Monsieur le Cardinal appellent cela douceur,
ils veulent donner au vice le nom de la vertu qui luy
est contraire. Il y a esté traicté auec des rigueurs qui ne sont
pas imaginables, il suffist de dire quil à esté gardé à veuë &
qu’en veillant où dormant il y auoit tousiours trois Soldats
en garde le chien de la carabine rabatu. Monsieur le Tellier
par ordre de Monsieur le Cardinal deffendit de luy donner
papier ny encre & qu’on admist aucun à luy parler : son valet
de chambre n’auoit permission de le voir qu’au leuer & au
coucher. Dans le regne passé Messieurs les Mareschaux de
Vitry & de Bassompiere n’ont point esté gardez de la sorte,
aucuns ne couchoient dans leurs chambres que ceux qu’ils
auoient choisis de leurs domestiques, ils estoient visités
auec liberté de tous leurs amis, ils auoiẽt encre & papier : &
le dernier y à composé des liures. Encore si Monsieur de la
Mothe eust esté accusé de quelque crime noir & d’Estat,
telle rigueur se pourroit excuser : mais il ce voit par la Cõmission
addressée au Parlement de Grenoble que le procez
qu’on luy faisoit n’estoit pretexté, que de recherche d’argent ;