La Mothe-Houdancourt, Henri de [?] [1649], CINQVIESME FACTVM, POVR MESSIRE PHILIPPES DE LA MOTHE-HOVDANCOVRT DVC DE CARDONE ET MARESCHAL DE FRANCE. CONTENANT LES INIVSTES ET extraordinaires procedures faites contre luy, par les artifices du Cardinal Mazarin. , françaisRéférence RIM : M0_2849. Cote locale : A_4_8.
page précédent(e)

page suivant(e)

-- 16 --

en sorte, que ce qu’vn d’eux aduançoit en vne iournée,
estoit le lendemain ruiné, par la ialousie de l’autre. Cependant
le Roy & le Prince d’Espagne estant arriuez à Leyde
auec dix mille hommes, les Catalans apprehendant vne
irruption dans le pays, prierent Monsieur de la Mothe d’abandonner
Terragone pour s’y opposer, comme il fit auec sa Caualerie
qu’il auoit laissée dans la plaine d’Vrgel.

 

Toute l’Europe parla diuersement de la cause de tels succes
arriuez en Catalogne pendant ces deux Campagnes. Les
François & les Estrangers non interessez, auec ceux qui desiroient
la paix les penetrerent facilement ; les Ennemis les
descouurirent par leurs billets & placards ; & les Catalans qui
en estoient les tesmoins oculaires, disoient hautement que
Monsieur le Mareschal de la Mothe y auoit payé de sa personne,
& qu’il eust porté les armes de France bien auant, si
on luy eust enuoye à temps, les choses necessaires & promises.
En la Cour de France, les adherans & partisans de Monsieur
le Cardinal fermoient la bouche à ceux qui en vouloient
veritablement parler ; publiant des choses inuentées &
ridicules contre Mondit sieur le Mareschal de la Mothe, iusques
là de dire, que s’il eust voulu, il eust peu faire le Roy d’Espagne
prisonnier.

Monsieur le Cardinal aprehendant des plaintes publiques
contre son ministere, y proceda d’vne autre façon : Et comme
il pratique exactement cette politique, de s’attribuer
la gloire de toutes les choses bien faites, encore qu’elles
soient fortuites, & qu’il n’ait participé ny dans les conseils, ny
dans l’execution : Il reiette aussi sur les autres les causes des
euenemens qui ont mal reüssi. On le voit abuser en sorte de
la bonté de la Reyne Regente, qu’il luy fait boire mesme ce
calice ; en ce que contre l’ordinaire des bons Ministres & Seruiteurs
il s’attribue l’honneur des graces & bien faits, & reiette
sur sa Maiesté les refus & mescontentemens.

Or afin de s’excuser de tant de desordres arriuez en l’armée
de Catalogne, il fit que la Reyne Regente escriuit en



page précédent(e)

page suivant(e)