La Mothe-Houdancourt (Henri de) [?] [1649], SECOND FACTVM, OV DEFENSES DE MESSIRE PHILIPPES DE LA MOTHE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Catalogne. Auec plusieurs Requestes, Arrests, & autres Actes sur ce interuenus, tant au Conseil, qu’ailleurs. , français, italienRéférence RIM : M0_2849. Cote locale : A_4_5.
page précédent(e)

page suivant(e)

-- 14 --

toutes abandõnées pleines de viures, d’armes, & de cheuaux, la
terreur pannique ayant esté si grande, que presque en toutes le
souper preparé se trouuoit sur la table, ou encor dans la broche.
La Ville estant asseurée, crainte d’irruption Mr de la Mothe fit
barricader, & mit corps de garde aux auenuës du Chasteau, puis
fit crier à l’Armée de dessus les murailles VIVE LE ROY. Le
Mercure François rapporte, que cette voix du Regiment de
Pfalsbourg donna la ioye à toute l’armée : & soudain ce bruit entendu,
le Regiment des Gardes se mit en deuoir d’y faire son entrée,
auec autant de ioye, que les fuyards auoient de frayeur & de tristesse.

 

Priuas pris, les autres places se rendirent à la veuë du Roy, il
n’y eut qu’Alez qui soûtint quelques iours le siege, apres lequel
se fit la paix d’Anduze qui termina nos guerres ciuiles. Mr de la
Mothe assista en toutes ces dernieres occasions, & accompagna
son Eminence aux redditiõs de Nismes, Castres & Montauban.

Nos guerres de la Religion estans heureusement finies,
les estrangers recommencerent la Campagne suiuante,
qui fut celle de 1630. le Roy enuoyant Monseigneur le Cardinal
Duc de Richelieu Generalissime delà les Monts : le Regiment
de Pfalsbourg que cõmandoit Mr de la Mothe fut choisi
pour estre de son Armée, & assista aux prises de Pignerol & de
Briqueras : & apres que son Eminence fut repassé en Sauoye où
estoit le Roy, il ne laissa pas de demeurer en Italie, iusques à la
leuée du siege de Cazal.

A l’attaque du Pont de Carignã, Messieurs les Ducs de Montmorency
& de la Force Generaux de l’Armée Françoise, luy firent
l’honneur de le choisir, auec Messieurs de Lambert & d’Argencour,
pour aller reconnoistre la demy-Iune qui defendoit le
Pont ; & sur son raport luy donnerent le commandement d’vne
des trois attaques. Il l’executa courageusemẽt auec des soldats
choisis du Regiment de Pfalsbourg. L’action est vne des signalées
de cette Campagne, Monsieur de la Mothe y fut blessé, &
eut grande part à cette victoire.

En l’année 1631. il suiuit le Roy au voyage de Mets, pendãt lequel
Mr d’Houdancour son frere aisné fut fait Gouuerneur de
Marsal. En l’année 1632. il fut pour la derniere fois commander



page précédent(e)

page suivant(e)