descouurir les causes, s’il en eut donné sujet pendant son gouuernement ?
Au contraire les regrets des peuples de Catalogne
en la detention dudit sieur Mareschal tesmoignent bien qu’ils
n’ont iamais esté dans la disposition de se plaindre de sa conduitte.

Voicy quelques-vnes de leurs lettres que la prison & circonstances
du temps, où ils les ont escrites, rendent encor plus
considerables ; n’estant pas la coustume des peuples qui n’ont
point esté doucement traittez & soulagez par vn Gouuerneur
ou Vice-Roy de plaindre ses disgraces & mal-heurs.

Qvelques lettres icy arriuées nous aduisent qu’on a arresté
vostre personne à Lyon : & bien que nous ne
voyons aucune cause d’vn pareil effect, cette nouuelle ne laisse
pas d’apporter vne tristesse vniuerselle dans la Prouince. Et
ainsi pour en apprendre la verité on a resolu de faire cette depesche,
aussi bien que pour sçauoir si cette Prouince peut quelque
chose pour son seruice & soulagement. Elle se prosternera
aux pieds de Sa Majesté, & personne ne luy manquera,
puisque nous auons tous la memoire & le souuenir recents de
tant de soins & de seruices dont vous est obligée cette Prouince.

Escrit à Barcelonne le 15.

Ianuier 1645.

LA nouuelle de la detention de vostre Excellence à Lyon,
a causé vn estonnement à tous ceux qui l’ont veu agir
comme nous, auec tant de fidelité & de passion pour le seruice
du Roy, & d’auantages pour nostre Prouince. Et si la representation
de toutes ces choses peut alleger sa disgrace & luy
donner quelque consolation, on connoistra la gratitude & reconnoissance