L. T. E. [signé] [1649], LES IVSTES RESSENTIMENTS DV TIERS ESTAT, POVR LE RETOVR DV ROY en sa Ville de Paris, & pour le restablissement du Commerce de tous ses Estats. DEDIEZ A LA REYNE REGENTE. , français, latinRéférence RIM : M0_1789. Cote locale : A_8_17.
page précédent(e)

page suivant(e)

-- 5 --

Et pour faire éclater dauantage son merite, ie diray à
vostre Majesté, MADAME, que cet vnique Seigneur
apres sa Resurrection s’apparoissant à ses bien aimez
Apostres, estans dans vne chambre les portes closes, les
saluant leur dit : La Paix vous soit ; comme s’il eust voulu
dire, Voila vn tresor que ie vous apporte, qui excede
mes graces, puis qu’elles ne sont qu’accessoires, & qui
ne seruent que de moyens pour paruenir au terme d’vne
paix beatifique : mais ce n’estoit assez à ce Dieu de charité
(comme l’appelle sainct Iean) de leur auoir osté
la consternation qu’ils auoient des Iuifs, en leur donnant
ce bien immense qui ne trouue sa durée que dans
l’Eternité, s’il ne leur en auoit confirmé la possession
auant son Ascension triomphante & glorieuse, leur
disant, Ie vous donne ma paix, & iterant, ie vous la laisse ;
ce qui leur fut vne grande consolation, & qui leur
seruit de regle pour l’aller prescher à toutes les nations.

Propres
metum Indæorum.

Deus charitas
est qui
manet in
charitate in
Deo. manet
pacẽmeant,
do vobis
pacem relinquo vobis.

Apres quoy, MADAME, vostre Majesté s’estonnera-elle
si les hommes l’ont souhaittée iusqu’à present, auec
tant de passion & d’ardeur ? Elle a fait pleurer & gemir
dans sa recherche, plus on l’a voulu carresser, plus elle
s’est écartée & abrutie, ne faisant paroistre qu’vn aspect
sombre & affreux auec ferocité, n’ayant des yeux pas
moins seueres que ceux d’vn Lyon, encor du plus carnassier,
& elle à fait cultiuer les épines, afin qu’vn fatal
destin en moissonnast les roses.

Non, non, c’est vne fiction où Metaphore, il vaut
mieux dire : O Paix celeste & glorieuse, vous estes vn
Astre qui n’a que de benignes influences, vous n’excitez
point les tempestes ny les orages, mais plustost vous les
calmez : Vous expulsez la tristesse, & substituez la ioye ;
Vous estes vn Astre tres-brillant, & vn flambeau qui
dissipez les nuages de l’esprit, & les troubles de la conscience,
par vn effet digne de vostre zele & charité.
Vous reconciliez les inimitiez les plus extrémes & ridicules ;



page précédent(e)

page suivant(e)