Anonyme [1652], IOVRNAL DE TOVT CE QVI S’EST PASSÉ PAR tout le Royaume de France. ENSEMBLE CE QVI S’EST PASSE dans le Conseil du Roy & de Messieurs les Princes & du Parlement. , françaisRéférence RIM : M0_1758. Cote locale : B_18_7.
page précédent(e)

page suivant(e)

-- 6 --

deux Couronnes, l’vne d’Ormeaux & l’autre
de Rozes, que les Violons & toutes sortes de
réjouyssance ny furent pas espargnez, que les
trouppes qui auoient esté enuoyez en Broüage &
Oleron pour le seruice du Comte du Dognon
sont retournez & ont joinct le sieur de Marsin,
qui promet auec ses trouppes qu’il a sur pied d’empescher
que le Comte de Lisbonne ne passe les
riuieres pour aller faire les degasts des Vignes
aux enuirons de Bordeaux, & que le Baron de
Vatteuille a mis en garnison dans Libourne 800.
Irlandois & 12. ou 1300. qui luy estoient arriuez
il y a trois mois d’Espagne.

 

Celles de Xaintes du vingt-septiesme disent
que le Comte du Dognon auoit obligé cette ville
de Coignac & quelques autres qui sont sur la
Charente de contribuer vne grosse somme pour
auoir permission de faire descendre leurs vins jusques
à la mer & les pouuoir débiter, que le Comte
continuë a fatiguer les Rochelois & les Habitans
de l’Isle de Rets : En sorte qu’il ne s’y fait
aucun trafic sur mer sans sa permission.

Par les dernieres lettres de Prouence nous
apprenons que la ville de Toulon s’estant veu
inuestie par douze Vaisseaux que le Cheualier de
la Ferriere auoit r’amené de deuant Barcelone,
& par les trouppes du Duc de Mercœur qui l’auoient
aussi bloquée par terre a esté enfin obligée



page précédent(e)

page suivant(e)