Anonyme [1652], IOVRNAL DE TOVT CE QVI S’EST PASSÉ PAR tout le Royaume de France. ENSEMBLE CE QVI S’EST PASSE dans le Conseil du Roy & de Messieurs les Princes & du Parlement. , françaisRéférence RIM : M0_1758. Cote locale : B_18_7.
page précédent(e)

page suivant(e)

-- 4 --

la forme demandée, la reünion des deux Parlemens
à Paris & quelque satisfaction pour Monsieur
le Prince sans qu’il y soit parlé du Cardinal
Mazarin. Monsieur le le Duc d’Orleans fit icy
venir du Camp Monsieur le Prince pour examiner
ces propositions, quant à la paix generale le sieur de
Ioyeuse eut ordre de suiure la Cour qui se rẽdit le 25.
à Mante d’où le grand Conseil estoit party le iour
precedent pour Vernon, afin de faire loger plus
commodement la Cour qui deuoit hier se rendre
à Ponthoise & de là à Sainct Denys.

 

Le mesme iour Monsieur le Prince fit conduire à
son Camp grand nombre de Grenades & de Bombes
auec 400 Rondaches pour comme on croit en
venir a vne attaque des lignes.

Le 25 Son Altesse Royalle donna des passeports
aux Escheuins & au Procureur du Roy de la Ville
qui partirent le lendemain auec les Deputez des six
Corps des Marchands pour aller trouuer le Roy,
& supplier Sa Majesté de donner la paix & reuenir à
Paris, & pour informer Sa Maiesté que les nouveaux
Preuost des Marchands & Escheuins s’estoient demis
de leurs charges.

Le 26. le Parlement s’assembla & resolu que
Monsieur Talon Aduocat General, se transporteroit
vers le Roy pour luy faire la mesme supplication
& asseurer Sa Majesté de l’obeyssance du Parlement,
on y parla des informations faites par le



page précédent(e)

page suivant(e)