LETTRE DECHIFFRÉE
D’VN MAZARINISTE
A MAZARIN,
TROVVÉE ENTRE S. GERMAIN,
& Paris, & traduite d’Italien en François.

Sur le Mariage du Parlement auec la
Ville de Paris.

MONSEIGNEVR,

C’est pour seruir vostre Eminence que ie sers ce bon Bourgeois,
dans la maison duquel ie me suis installé : mais pour vous
parler en homme des-interessé, & qui n’est pas des plus mercenaires,
vostre argent n’est gueres mieux employé que le sien ;
& ie ne sçay qui de vous ou de luy va desormais estre plus mal
seruy. Ce n’est pas, Monseigneur, que mon ame, que vous
possedez entiere & sans reserue aucune, se treuue partagée entre
mes deux maistres ; mais c’est que les seruices que i’ay promis
à l’vn, sont bien plus difficiles, que ceux que ie dois rendre
à l’autre. Ceux qui se meslent de mon art, ne sont necessaires
à ceux qui les payent pour estre tousiours aux écoutes, que dans
les lieux où l’on ne fait que chucheter contre leur honneur : &
l’on crie icy à pleine teste contre celuy de vostre Eminence. Si

page précédent(e)

page suivant(e)