RESPONSE DE MONSIEVR
le Duc Damuille à son Altesse
Royale.
LA Lettre de V. A. R. me fut hyer renduë
enuiron les dix heures du matin, Ie
ne Pûs la faire voir à leurs Majestez qu’vn
peu auparauant leur disner : Elles enuoyerent
aussi-tost aduertir Messieurs du Conseil
de se rendre prés d’elles vers le soir de meilleure
heure qu’à l’ordinaire, pour resoudre
par leur aduis la response que j’aurois à faire
à V. A. R. Ce matin l’on m’a ordonné de luy
escrire, que le premier respect qui doit estre
rendu au Roy, est d’executer ce qui est porté
par sa Declaration d’Amnistie que sa Majesté
enuoya dés Ieudy au soir à son Parlement
de Paris, transferé à Pontoise, dont j’ay en ordre
d’enuoyer vn extraict à V. A. R. Elle verra
que pour y satisfaire il faut auant toutes
choses mettre les armes bas, enuoyer à sa Majesté