Faure,? [?] [1652 [?]], PIECE DE PONTOISE. LES SENTIMENS DIVERS SVR L’ARREST DV PARLEMENT DV VINGTIESME IVILLET. ET LE DISCOVRS SEDITIEVX QV’ON pretend faussement auoir esté fait par Monsieur Bignon, le 26. sur la Lieutenance du Royaume. , françaisRéférence RIM : M0_2759. Cote locale : B_15_14.
page précédent(e)

page suivant(e)

-- 14 --

en surceance peut reuiure, l’vn marquant vne vie
& vne mort alternatiue, l’autre vn estre continuel
caché pour vn temps dans vne suspension d’operer :
nous demeurons donc d’accord auec luy que
cette charge peut reuiure, mais il doit aduoüer auec
Nous que le Roy seul peut luy rẽdre la vie qu’il
luy a donné, & que ne deuant ressusciter que par
l’autheur de sa creation, elle deuient entre les
mains du Parlement comme ces Cadaures que les
demons animent, qui parlent, remuent, & ne
laissent apres eux que l’effroy, la puanteur & la
contagion.

 

Le demantir est ordinaire à la calomnie, l’Aduocat
pretendu reprend & corrige l’Arrest ; il excite
la bonté de Monsieur le Duc d’Orleans de
se charger de la Lieutenance generale non plus
par la prison du Roy, mais par l’vsurpation qu’vn
estranger a fait de son authorité ; Vous diriez
que le Cardinal apres les longs & continuels
seruices d’vn zele desinteressé, & les glorieuses
qualitez de Ministre de deux de nos Roys, &
de Parrain de celuy-cy, soit quelque Turc ou
Sauuage nouueau venu, qu’ils couronnent toutes
leurs iniures de ce reproche d’estranger ; Si nos
Princes naturels seruoient la France auec sa sincerité,
nous aurions desia contraint l’Espagne &
l’Empire à se naturaliser François : Aussi n’est-il
pas vray qu’il soit connu de tout le monde pour
vsurpateur, demandez aux peuples, qui les sousleue
& les maintient dans le deuoir ? à la Frontiere,
qui l’attaque, & la defend ? à la Catalogne
qui la secourt & l’abandonne ? à l’Espagne, qui



page précédent(e)

page suivant(e)