autant & plus, le Parlement que les
peuples & ladite ville, c’est luy qui a arresté
le cours de ses violences & brigandages ;
c’est luy qui a eu le pouuoir de le faire
esloigner c’est a ses prieres que le Roy a
accordé la Declaration qui luy a fermé la
porte du Royaume & c’est luy qui a combatu
son retour, mis sa teste a prix & poursuiuy
iusques à present l’effet de ladite Declaration
par diuers deputations vers luy.

Enfin quand la dite leuée ne se fera point,
le Parlement & laite Ville n’en seront pas
mieux traittés, par ledit C. M. il tient l’vn &
l’autre autãt pour ennemis ; que s’ils auoiẽt
ouuertement pris le party de ladite Declaration
auec M le Duc d’Orleans,
sçachant que ce qui les retient n’est pas
vne bonne volonté pour luy, mais vne autre
cause, peut-estre la crainte de la despense
laquelle ne doit pas estre considerée
dans cette occasion, parce qu’il faute tter
vne piece du vaisseau dans la mer, pour
sauuer du naufrage le reste de nos biens &
nos vies, cela estant vray, si ladite Ville se
separe des interests de Mr. le Duc d’Orleans,
il donne vn moyen facile audit Car-Mazarin