& auenir que lesdits supplians prouoyent
plus grands que ceux qu’ils ont veu pendant
le blocus de laditte Ville, les a fait
penser serieusement à leur salut, qui est
commun à tous les autres Citoyens,
& apres vne meure discussion de toutes
les choses passees, ils ont iugé ne la pouuoir
esperer, que par l’execution effectiue,
sincere & veritable de ladite Declaration
& Arrests tendus en consequence
contre ledit Cardinal Mazarin. Car il
faut prendre les Responses qu’il fait faire
aux Deputez du Parlement & les propositions
de conference qu’il fait aduancer
pour des amusemens & des pieges pour
nous seduire & prendre mieux ses mesures
pour nous perdre. Or ladite executiõ
ne peut arriuer qu’en opposant de plus
grandes forces à celles qu’il tient aupres
de luy pour demeurer en France, & se
conseruer dans le Ministere, nonobstant
laditte Declaration & Arrests, ce
qui fait voir la necessité qu’il y a de faire
vne leuée de Gens de Guerre tant
pour fortifier les Trouppes de Monsieur
le Duc d’Orleans, que pour en faire de

page précédent(e)

page suivant(e)