obligé de se retirer hors de France auec le
redoublement d’vne haine implacable
contre le Parlement & ladite Ville, comme
la croyant seule cause de son banissement,
& ensuitte le Roy auroit enuoyé sa declaration
en cette Cour, portant son exclusion
perpetuelle hors du Royaume, la quelle
y auroit esté enregistreé ; Cette parole
Royalle renduë solemnelle par ledit enregistrement,
auroit leué les iniustes craintes
que ladite Ville auoit des vengeãces de
cet Itallien irreconciliable par son retour
neãntmoins il seroit reuenu auec de nouelles
trouppes leuées aux despẽs des Finances
de l’Estat pour se restablir dans le Ministere,
à main armées, & en se restablissant
remettre en vigueur l’oppression Publique
& satisfaire a ses cruelles vẽgeãces. Ce rappel
a renouuellé les deffiances de ladite
Ville & rẽply ses Habitãs d’effroy & d’estonnement ;
Dans cette occasion le Parlement
a pris les resolutions conformes au
mespris qu’il a fait de ladite Declaration &
Monsieur le Duc d’Orleans, & Monsieur
le Prince de Condé, qui se sont declarez
pour l’execution d’icelle, voyans que ledit

page précédent(e)

page suivant(e)